ទីភ្នាក់ងារអភិវឌ្ឍន៍បារាំង ប្រចាំនៅកម្ពុជាពុជា

ទីភ្នាក់ងារអភិវឌ្ឍន៍បារាំង AFD ត្រូវបាន អនុញ្ញត្តអោយ ធ្វើអន្តរាគមន៍ជួយ ដល់ប្រទេសកម្ពុជា នៅ ឆ្នាំ ១៩៩៣ ហើយក៏បានបើក ការិយាល័យរបស់ខ្លួន នៅក្នុងទីក្រុងភ្នំពេញ ក្នុងឆ្នាំដដែលនោះដែរ។​ បីឆ្នាំក្រោយមក

PROPARCO ដែលជាផ្នែកជំនាញ ក្នុងការផ្តល់ហិរញ្ញប្បទាន ដល់ភាគីឯកជន ក៏បានចាប់ផ្តើម ដំណើរការ។ កាលដើមដំបូង ទីភ្នាក់ងារអភិវឌ្ឍន៍បារាំង មានគោលដៅ ផ្តល់ហិរញ្ញប្បទាន ដល់​តំបន់ជនបទ គឺ ការរៀបចំ ជនបទ  និង ការរៀបចំតំបន់អង្គរ ស្របទៅតាមបេសកកម្មរបស់ខ្លួន ដែលកំណត់រួចមកហើយ ។

ក្រោយមកទៀត ក្រុមការងារ បានពង្រីកសកម្មភាព របស់ខ្លួនរហូត ទៅដល់ការអភិវឌ្ឍន៍ ហេដ្ឋារចនា ម្ព័ន្ធនៅតាមជនបទបន្ថែមទៀត (មានបណ្តាញទឹកនិងអគ្គីសនីជាដើម) ។      រហូតមកដល់ខែកញ្ញា ឆ្នាំ ២០០៥ បទអន្តរាគមន៍ ទាំងឡាយបានផ្តោតទៅ លើវិស័យ កសិកម្ម បរិស្ថាន និង សុខាភិបាល   ស្របទៅតាម​ឯកសារ នៃ ក្របខ័ណ្ឌភាពជាដៃគូដែល ត្រូវបានចុះហត្ថលេខារវាងសាធារណៈរដ្ឋបារាំង  និង ព្រះរាជាណាចក្រ កម្ពុជា ជាពិសេស  គឺ បានឆ្លើយតបទៅនឹង គោលដៅអាទិភាពរបស់ គណៈកម្មាធិការអន្តរក្រសួង សម្រាប់ កិច្ចសហប្រតិបតិ្តការ  និង  ការអភិវឌ្ឍន៍  (CICID)   ។

 ចាប់តាំងពីខែ កក្កដា ឆ្នាំ ២០០៩ បន្ទាប់ពីមានសេចក្តីសម្រេចពី គណៈកម្មាធិការអន្តរក្រសួងសម្រាប់ កិច្ចសហប្រតិបតិ្តការ និង ការអភិវឌ្ឍន៍ អោយកាត់បន្ថយជំនួយបារាំង ពីប្រទេសជាអាទិភាពចំនួន ១៤ មក ទីភ្នាក់ងារអភិវឌ្ឍន៍បារាំង ​ ប្រចាំនៅកម្ពុជាក៏ មានការវិវត្តន៏ដែរ។ ​  អំណឹះតទៅ ទីភ្នាក់ងារអភិវឌ្ឍន៍បារាំងចាប់ ផ្តើមជួយគាំទ្រដល់ការរីកចំរើន សម្រាប់ប្រទេស  គឺ ជាជំនួយទ្រទ្រង់ដល់វិស័យ ផលិតកម្មដោយផ្តល់ជាប្រាក់ កម្ចីដែល គ្មាន​ការធានាពីរដ្ឋ ដោយគាំទ្រ ជាពិសេស លើវិស័យខាងក្រោម ៖

• វិស័យកសិកម្ម  និង  កសិ-ឧស្សាហកម្ម
• ប្រព័ន្ធធារាសាស្រ្ត
• បណ្តាញអគី្គសនី និង ទឹកនៅតាមតំបន់ ទីក្រុង និង ជនបទ
• វគ្គបណ្តុះបណ្តាលវិជ្ជាជីវៈនៅ ក្នុងវិស័យទេសចរណ៍  និង  ឧស្សាហកម្មកាត់ដេរ

ការវិវត្តន៍ ផ្នែកយុទ្ធសាស្រ្តនេះ    គឺ ជាកាតឆ្លើយតបទៅ នឹងរាល់បណ្តាអនុសាសន៍ ដែលមានចែង នៅក្នុង ឯកសារតម្រង់ទិសដៅ សម្រាប់កិច្ចសហប្រតិបត្តិការ ដែលត្រូវបានចុះហត្ថលេខា ​នៅ ខែ តុលា ឆ្នាំ ២០១០ ។      ចាប់តាំងពីឆ្នាំ ១៩៩៣  ដល់ ឆ្នាំ ២០១០ ថវិកាសរុប ដែលទីភ្នាក់ងារអភិវឌ្ឍន៍ បារាំងជួយដល់ប្រទេសកម្ពុជា បានកើនឡើង រហូតដល់ប្រហែល ១៣៨ លានអឺរ៉ូ  ដោយពុំបាន រាប់បញ្ចូល ថវិកាបានមកពី PROPARCO ទេ។  ​​ ជាមធ្យម ទំហំទឹកប្រាក់ ដែលបានផ្តល់អោយ សម្រាប់រយៈពេល ប៉ុន្មានឆ្នាំចុងក្រោយនេះ  គឺ ៧ លានអឺរ៉ូ ។ នៅឆ្នាំ ២០១១ នេះ​   ថវិកាចំនួន  ១៦​ លានអឺរ៉ូ   ត្រូវបានផ្តល់ អោយ ប្រទេសកម្ពុជា   (៨,៥ លានអឺរ៉ូ បានមកពី  AFD  និង  ៧,៥​ លានអឺរ៉ូបានមកពី PROPARCO ។